Compilers හා Interpreters

Compiler එකක් හෝ Interpreter එකක් යනු ඉහළ පරම්පරාවක පරිගණක භාෂාවකින් ලියන ලද පරිගණක වැඩ සටහනක් Machine Code වලට හැරවීම සිදු කරන මෘදුකාංගයි. පොදුවේ මේවා Translators ලෙස හැඳින් වේ.

මේවා ගැන තේරුම් ගැනීමට පෙර භාෂා පරිවර්තකයින් ගැන තේරුම් ගෙන සිටිමු. භාෂා පරිවර්තකයින් වර්ග දෙකක් ඇත.

අප සිතමු සාම්ප්‍රදායික දේශපාලඥයන් ගැන. ඔවුන් කතාවක් කිරීමට පෙර තම කතාව සකසා ගනියි. කතා කරන්නේ අකුරක් නෑර සකස් කරන ලද එම කතාවයි. එවැනි කතාවක් වෙනත් භාෂාවලට හැරවීමේදී සම්පූර්ණ කතාවම කලින් අනෙක් භාෂාවට හැරවීම පහසුවෙන් කළ හැක්කේ කතාව කලින් සකස් කර ඇති බැවිනි.

එහෙත් වඩා ප්‍රායෝගික දේශපාලඥයින් කතාවක් කරන්නේ එවේලේ හිතට එන අන්දමට මිස කලින් සකස් කරගෙන නොවේ. එබඳු කතාවක් වෙනත් භාෂාවකට හැරවිය හැක්කේ කතාව කරන අතරතුර දී පේළියෙන් පේළියයි. ඒ කලින් සකස් කරන ලද කතාවක් නොමැති බැවිනි.

ෆිදෙල් කස්ත්‍රෝ නම් පරිණත දේශපාලඥයා කථාවක් කිරීමට පෙර කලින් සකස් කරන ලද කතාවක් කරන්නද හිතෙන් කතා කරන්න දැයි ජනයා ගෙන් අසනවාලු. ඒ නිසා ඔහු මේ වර්ග දෙකටම අයත් නායකයෙක් බවට අපට අනුමාන කරන්නට පුළුවනි.

Compilers යනු මුළු පරිගණක වැඩ සටහනම එකවර Machine Code වලට හරවන පරිවර්තක ය. එහිදී මුලින් මුළු වැඩ සටහනම Machine Code වලට හැර්‍රවෙන අතර ඉන්පසු Run කිරීමට අවශ්‍ය වාරයක් වාරයක් පාසා එය ක්‍රියාත්මක කළ හැකිය. මේ නිසා Run කිරීමේදී මෙයට ගතවන කාලය ඉතා අඩුය. එහෙත්, මුලින් පරිවර්තනය වීමට නම් යම් කාලයක් ගත වේ. මෙම වර්ගයට C++ හා Pascal වැනි භාෂා අයත් වේ.

Interpreter එකකින් වැඩ සටහනක් පරිවර්තනය කිරීමේදී එය සිදු වන්නේ පේළියන් පේලිය බැගිනි. මෙ නිසා එයට විශාල කාලයක් ගත වන අතර Run කරන වාරයක් පාසා මෙම පරිවර්තනය කිරීම සිදු කළ යුතු ව තිබිණි. BASIC නම් පරිගණක භාෂාව අයත් වූයේ මෙම වර්ගයටයි.

අද කාලයේ ජනප්‍රිය ව ඇති Java වල මෙන්ම .net මත වැඩ කරන VB.net හා C#.net වැනි පරිගණක භාෂාවල ද මෙම ලක්ෂණ දෙකම දැකිය හැකිය.

This entry was posted in 16. C++, සිංහල. Bookmark the permalink.

4 Responses to Compilers හා Interpreters

  1. දයියා says:

    ඉතාම වටිනා ලිපියක් ඉතා සරලව අවශ්‍ය ෙද් පැහැදිලි කරල තිෙයනව. ෙගාඩක් අයට ෙම් වචන ෙදක ෙත්රුම් ගන්න හරිම අමාරුයි.

  2. ගීතික says:

    නියමයි………

  3. ShappySainc says:

    Just want to say what a great blog you got here!
    I’ve been around for quite a lot of time, but finally decided to show my appreciation of your work!

    Thumbs up, and keep it going!

    Cheers
    Christian, iwspo.net

  4. අමිල says:

    Compiler, Interpreter ඈත්තටම කරන්නේ මොකක්ද කියලා දැනගන්න බැරිවයි හිටියේ. කොහෙද.. මව්බාසාවෙන් ඉතින් මේ දෙවල් ලියල තියනවා අඩුයිනේ. අපිට හොදටම ඇගට වදින්නේ සිංහලෙන් කියෙව්වොත් නේ. ඉතින් හුගාක් ස්තුතියි.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s